पढ्न लाग्ने समय :
प्रतिनिधि सभा विघटनको राजमोद्वारा विरोध
न्युज नेपाल समाचार
धनगढी, भदौ २८ गते । राष्ट्रिय जनमोर्चाले प्रतिनिधिसभा विघटन गर्ने सुशीला कार्की नेतृत्वको अन्तरिम सरकारको निर्णय गलत भएको भन्दै विरोध गरेको छ । शनिबार पार्टी अध्यक्ष चित्रबहादुर केसीले एक विज्ञप्ति जारी गर्दै प्रतिनिधिसभा विघटन गर्ने निर्णयको विरोध गरेका हुन् ।
“संसद् विघटन जनताको लोकतान्त्रिक अधिकारमाथिको आक्रमण हो” विज्ञप्तीमा जेनजी आन्दोलनका अगुवाहरूको मागका विरुद्ध राष्ट्रपतिले अडान लिन नसकेको आरोप समेत लगाएको छ । विज्ञप्तीमा– जेनजी आन्दोलनलाई राजावादीहरूले समेत आफ्नो पक्षमा लैजाने कसरत गरेको दाबी गर्दै तर उनीहरू त्यसमा सफल हुन नसकेको उल्लेख छ ।
जनमोर्चाले संसद् बाहिरबाट अन्तरिम सरकारको गठन र संसद्को विघटनबाट प्रतिगामी शक्तिहरूलाई मद्दत पुग्न नहुने भन्दै गणतन्त्रका पक्षधर सम्पूर्ण राजनीतिक दलहरूको ध्यानाकर्षण समेत गराएको छ ।
