सबै राजनीतिक दलहरूको सहयोगमा संविधान संशोधनको प्रक्रिया अघि बढ्छ : उपप्रधानमन्त्री सिंह
पढ्न लाग्ने समय :
उपप्रधानमन्त्री एवम् शहरी विकास मन्त्री प्रकाशमान सिंहले सबै राजनीतिक दलहरूसँग छलफल गरेरै संविधान संशोधनको प्रक्रिया अघि बढाउने बताउनुभएको छ । बुधबार रूपन्देहीमा सञ्चारकर्मीहरूसँग कुरा गर्दै सो कुरा बताउनु भएको हो । उपप्रधानमन्त्री सिंहले संविधान संशोधनका लागि कांग्रेस,एमालेको कार्यदल बनिसकेको र कार्यदलले आन्तरिक रूपमा काम गरिरहेको बताउनुभयो ।
उपप्रधानमन्त्री सिंहले बुधबार रूपन्देहीको सियारी गाउँपालिकामा सियारी पर्यटन करिडोरको शिलान्यास र दयानगर दानव लिफ्ट सिँचाइ योजनाको उद्घाटन गर्नुभयो । पर्यटन करिडोर र लिफ्ट सिँचाइ आयोजनाले सियारी गाउँपालिकाका नागरिकको आर्थिक अवस्था परिवर्तन गराउने उहाँले विश्वास व्यक्त गर्नुभयो । नागरिकको जीवनमा परिवर्तन ल्याउन सियारी गाउँपालिकाले कृषि र पर्यटन क्षेत्रमा गरेको काम उदाहरणीय भएको भन्दै उहाँले प्रशंसा गर्नुभयो ।
