यो देशका एकहजार मान्छेलाई जेलमा कोचेपछि मात्रै देश ठेगानमा आउँछ
पढ्न लाग्ने समय :
काठमाडौं । नेपालका लागि नेपाली पार्टीका अध्यक्ष बालकृष्ण न्यौपानेले देश राख्नका लागि मुलुकमा राजा आवश्यक भएको बताएका छन् । न्यूज नेपाल टेलिभिजनको कार्यक्रम संवादमा कुरा गर्दै न्यौपानले राजा राखेमा देश अफगानिस्तान र सिक्किम हुनबाट जोगिने बताएका हुन् ।
उनले देश दरो भएपछि फेरि राजाले गल्ती गरे निकाल्न सकिने बताए । उनले राजामा पनि हनुमानहरु मात्र चाहिने समस्या आफूले देखेको बताए । उनले गणतन्त्र, धर्मनिरपेक्षता र संघीयता खारेजी आफूहरुको एजेण्डा रहेको बताए ।
उनले गरिबी निवारणका लागि अहिलेका नेताहरुको सम्पत्ति छानबिन गरी राज्यले जफत गर्नुपर्ने बताए । उनले यो देशका एकहजार मान्छेलाई जेलमा कोचे मात्र देश ठीक ठाउँमा आउने नत्र भ्रष्टहरुकै हालीमुहाली चल्ने बताए ।
