महाकाली नदीमा डुबेर युवाको मृत्यु
पढ्न लाग्ने समय :
धनगढी : कञ्चनपुरको दोधारा चाँदनी नगरपालिका–४ कालिका टोलस्थित महाकाली नदीमा नुहाउने क्रममा एक युवाको डुबेर मृत्यु भएको छ।
मृत्यु हुनेमा दोधारा चाँदनी नगरपालिका–२ कालिका टोल निवासी २२ वर्षीय मोहनसिंह ठगुन्ना रहेका छन्। सोमबार दिउँसो नदीमा नुहाउने क्रममा उनी डुबेका हुन्।
घटनाबारे प्रहरीले आवश्यक अनुसन्धान गरिरहेको जनाएको छ।
