बैतडी पुगे बालेन
पढ्न लाग्ने समय :
धनगढीः राष्ट्रिय स्वतन्त्र पार्टी(रास्वपा)का वरिष्ठ नेता बालेन शाह बैतडी पुगेका छन।
उनी चुनावी प्रचारप्रसारका लागि सुदूर पहाड पुगेका हुन। मङ्गलवार कैलाली, कञ्चनपुरमा आयोजित कार्यक्रममा सहभागी भएका बालेन बुधवार बिहान डडेल्धुरा हुँदै बैतडी गएका छन्। बालेनले डडेलधुरा, बैतडी, दार्चुला र बझाङमा हुने कार्यक्रममा सहभागिता जनाउनेछन्। उनी बुधवार साँझ दार्चुलाको गोकुले पुग्ने कार्यक्रम रहेको छ। बुधवार राति बझाङको बुङ्गलमा उनी पुग्ने राष्ट्रिय स्वतन्त्र पार्टीले बताएको छ।
बालेन आगामी फागुन २१ गते हुने प्रतिनिधि सभा निर्वाचनमा झापा क्षेत्र नम्बर ५ बाट उम्मेदवार बनेका छन्। उनी नेकपा एमालेका अध्यक्ष एवं पूर्वप्रधानमन्त्री केपी शर्मा ओलीसँग चुनाव लड्न लागेका हुन्।
