प्राविधिक एसएलसी ध्वस्त पार्न किन लाग्यो चिकित्सा शिक्षा आयोग ?
पढ्न लाग्ने समय :
काठमाडौं । प्राविधिक एसएलसी स्तरोन्नति संघर्ष समितिका संयोजक डा. जगत खड्काले राष्ट्रिय चिकित्सा शिक्षा आयोगका उपाध्यक्ष डा. श्रीकृष्ण गिरीले प्राविधिक एसएलसीलाई ध्वस्त पारेको आरोप लगाएका छन् ।
न्यूज नेपाल टेलिभिजनको कार्यक्रम संवादमा कुरा गर्दै खड्काले आयोगले अनमि, सिएमए, अहेब जस्ता कार्यक्रम फेजआउट गरेको भन्दै आपत्ति जनाएका हुन् ।
उनले फेजआउट गर्नुअघि एकपटक स्तरोन्नतिका लागि अवसर दिएकोमा १२२ वटा संस्थाले निवेदन दिएकोमा ६५ वटा मात्रलाई स्वीकृति दिएको बताए । उनले आयोगका उपाध्यक्ष गिरीले मेरा कर्मचारीले सम्पूर्ण शैक्षिक संस्थाको भिजिट गर्न नपाएकाले बाँकीलाई नदिने भनेर गैरजिम्मेवार जवाफ दिएको बताए ।
