नेपाली सेनामा जागिर लगाइदिने भन्दै ठगी गरेको आरोपमा एक युवक पक्राउ
पढ्न लाग्ने समय :
नेपाली सेनामा जागिर लगाइदिने प्रलोभन देखाएर लाखौं रुपैयाँ ठगी गरेको आरोपमा एक युवक पक्राउ परेका छन्।
पक्राउ पर्नेमा कञ्चनपुरको बेलौरी नगरपालिका–८, कलकत्ता निवासी ३५ वर्षीय हरिश चन्द रहेको जिल्ला प्रहरी कार्यालय कैलालीले जनाएको छ।
प्रहरीका अनुसार चन्दले नेपाली सेनामा जागिर लगाइदिने भन्दै एक व्यक्तिबाट दुई लाख ४० हजार रुपैयाँ असुलेर ठगी गरेको आरोप लागेको छ।
इलाका प्रहरी कार्यालय चिसापानीबाट खटिएको प्रहरी टोलीले उनलाई पक्राउ गरेको हो। हाल चन्दलाई हिरासतमा राखी ठगीसम्बन्धी कसुरमा थप अनुसन्धान भइरहेको प्रहरीले जनाएको छ।
