नेपालसँग क्यानडा ६ विकेटले पराजित
पढ्न लाग्ने समय :
धनगढी : आशिफ शेखको अर्धशतक मद्दतमा नेपालले आईसीसी टी–२० पुरुष विश्वकप अन्तरगतको दोस्रो वार्मअप खेलमा क्यानडालाई ६ विकेटले हराएको छ। क्यानडाले दिएको १६२ रनको लक्ष्य नेपालले १८ ओभरमा ४ विकेटको क्षतिमा पूरा ग¥यो।
आशिफले २९ बलमा ६ चौका र ३ छक्कासहित सर्वाधिक ५८ रन बनाए। सन्दीप जोराले ४४, गुल्शन झाले नटआउट ३१ र ओपनर कुल भुर्तेलले १२ रनको योगदान गरे।
यसअघि क्यानडाले आईसीसी टी–२० पुरुष विश्वकपको वार्मअप खेलमा नेपाललाई १६२ रनको लक्ष्य दिएको थियो । चेन्नईको एमए चिदम्बरम क्रिकेट मैदानमा क्यानडाले टस जितेर पहिले ब्याटिङ गरेको क्यानडाले निर्धारित २० ओभरमा ६ विकेट गुमाउँदै १६१ रन बनाएको थियो।
क्यानडाका लागि नवनित धालिवलले सर्वाधिक ४१ रन बनाए। उनले ३६ बलमा एक चौका र ३ छक्का प्रहार गरे। श्रीयस मोब्बाले १९ बलमा २ चौका र ३ छक्कासहित ३८ रनको योगदान गरे । कँवरपाद तथगुरले २५ रन बनाए। नेपालका लागि कुुशल भुर्तेल र सन्दीप लामिछानेले समान २÷२ विकेट लिए। सोमपाल कामी र नन्दन यादवको नाममा एक÷एक विकेट रह्यो।
