नागरिकता विधेयक राष्ट्रपतिले प्रमाणीकरण गर्नुको विकल्प छैन
पढ्न लाग्ने समय :
काठमाडौं । नेकपा एमालेकी सांसद नविना लामाले राष्ट्रपतिले अब नागरिकता विधेयक फेरि संसदमै फिर्ता गर्न नसक्ने बताएकी छन् ।
न्यूज नेपाल टेलिभिजनको कार्यक्रम संवादमा कुरा गर्दै सांसद लामाले दुई वटा सदनबाट परित भइसकेको नागरिकता विधेयक राष्ट्रपतिले प्रमाणीकरण गर्नुको विकल्प नभएको बताएकी हुन् ।
अब यो विधेयक कार्यान्वयनमा जाने उनको भनाई थियो । पार्टीका केही सांसदले विरोध गर्नु व्यक्तिगत कुरा भएको उनले बताइन् । उनले नागरिकता विधेयकले नेपाली अल्पमतमा पर्छ भनेर आशंका गर्नु सही भएपनि अल्पमतमा नपर्ने र नागरिकता दिँदा कानुनको सही प्रयोग गर्नुपर्ने बताइन् ।
