धनुषामा विस्फोट हुँदा कैलालीका दुईसहित चारजना घाइते
पढ्न लाग्ने समय :
धनगढी : धनुषामा श्रृंखलावद्ध रूपमा विस्फोट हुँदा थप दुई जना घाइते भएका छन्। धनुषाको मिथिला नगरपालिका–१० लालगढ र बर्दिवासबीच पर्ने रातो पुल (महोत्तरी साइड) मा रातो टेपले बेरिएको दुई वटा शङ्कास्पद वस्तु फेला परेको छ।
पुलमा राखिएको वस्तु छुँदा एउटा पड्किएको थियो। उक्त घटनामा कैलालीको घोडाघोडी नगरपालिका–१० का सन्देश चौधरी र समीर चौधरी सामान्य घाइते भएका छन्। दुवैलाई उपचारका लागि बर्दिवासतर्फ लगिएको छ। घटनास्थलमा अर्को एक शङ्कास्पद वस्तु फेला परेको छ।
यसअघि पनि यसअघि मिथिला–९ बडहरी पुल क्षेत्रमा वस्तु पड्किँदा दुई बालबालिका घाइते भएका थिए। प्रहरीले सर्वसाधारणलाई शङ्कास्पद वस्तु नछुन र तत्काल प्रहरीलाई खबर गर्न आग्रह गरेको छ।
