धनगढीका नगर प्रमुख हमालको टोली अपी बेस क्याम प्रस्थान

Monday April 27, 2026

पढ्न लाग्ने समय :


धनगढीः कैलालीको धनगढी उपमहानगरपालिकाका नगर प्रमुख गोपाल हमालको टोली अपी बेस क्याम प्रस्थान गरेको छ। सुदूरपश्चिमको पर्यटन प्रवर्धन गर्ने उद्देश्यका साथ टोली दार्चुलाको अपि हिमाल बेस क्याम्प यात्रामा निस्किएको हो।

‘हाम्रो सुदूरपश्चिम, हामी चिनाउँछौँ’ भन्ने नाराका साथ उपमहानगरपालिकाका नगरप्रमुख हमालको नेतृत्वमा ३० जनाको टोली सोमवार त्यसतर्फ प्रस्थान गरेको छ। सुदूरपश्चिमका पर्यटकीय स्थलहरूलाई देश–विदेशमा चिनाउने उद्देश्यले हमाल आफैँ यो यात्रामा सहभागी भएका हुन्। सोमवार धनगढीमा आयोजित एक कार्यक्रमका बीच बाजागाजा र फूलमालासहित टोलीलाई बिदाइ गरिएको थियो।

नगरप्रमुख हमालले यसअघि उद्योग वाणिज्य संघको नेतृत्वमा रहँदा पनि ‘सुन्दर सुदूरपश्चिम’ अभियान सुरु गरेका थिए। सोही अभियानको निरन्तरता स्वरूप अहिले स्थानीय सरकारको तर्फबाट हिमाल र पर्यटकीय क्षेत्रको प्रचारका लागि यो कदम चालिएको उनले बताए। १० दिनको कार्यतालिका सहित निस्किएको यो टोलीले अपि हिमालको आधार शिविरसम्मको पदयात्रा गर्नेछ। धनगढीबाट बसमा यात्रा सुरु गरेको टोलीले पैदल यात्रा गर्दै बेस क्याम्पसम्म पुग्ने लक्ष्य राखेको छ।

 


भर्खर

बुढितोला पर्यटन महोत्सव सुरु

धनगढीः कैलालीको गोदावरी नगरपालिका वडा नम्बर ४ स्थित बुढीतोलामा ‘बुढीतोला पर्यटन महोत्सव’को उद्धघाटन गरिएको छ

कैलालीमा समर्थन मूल्यभन्दा बढीमा गहुँ बेच्न पाउँदा किसान खुसी

टीकापुर : कैलालीका किसान सरकारले तोकेको समर्थन मूल्यभन्दा बढीमा गहुँ बिक्री गर्न पाउँदा खुसी भएका

धनगढीमा करेन्ट लागेर महिलाको मृत्यु

धनगढीः धनगढी उपमहानगरपालिका–३ विशालनगरकी ३० वर्षीया नन्दकला बिकको करेन्ट लागेर मृत्यु भएको छ। बुधवार साँझ