धनगढीका एक व्यवसायी चेक अनादर मुद्दामा पक्राउ
पढ्न लाग्ने समय :
धनगढी : धनगढीका सागर चाैधरीलाई प्रहरीले चेक अनादर मुद्दामा पक्राउ गरेकाे छ ।
जिल्ला प्रहरी कार्यालय कैलालीले धनगढीकै अनिलकुमार बमले दिएकाे जाहेरीका आधारमा चाैधरीलाई पक्राउ गरिएकाे जनाएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) याेगेन्द्र तिमिल्सिनाले चाैधरीलाई पक्राउ गरेर अनुसन्धान भइरहेको बताए ।
उनकाअनुसार चाैधरीलाई साढे ८ लाखकाे चेक अनादर मुद्दामा नियन्त्रणमा लिइएकाे हाे । नियन्त्रणमा लिइएपछि प्रहरीले दुई पक्षबीच छलफल गराएपनि सहमति भएकाे छैन् ।
सहमति हुन नसकेको अवस्थामा भने मुद्दा जिल्ला अदालतमा पेश हुनेछ ।तर आपसी सहमति भएमा सरकारी वकिलकाे कार्यालय त्यसबारे निर्णय गर्नसक्नेछ ।
चाैधरी धनगढीकाे न्यू एस एण्ड एस फेन्सीका सञ्चालक समेत रहेकाे खुलेकाे छ ।
