डोटीमा जिप दुर्घटना, चार जना घाइते
पढ्न लाग्ने समय :
डोटी : डोटीमा जिप दुर्घटना भएको छ।
जिल्ला प्रहरी कार्यालय डोटीका अनुसार बोगटान फुड्सिल गाउँपालिका–३ धौलाबस्तीमा सुदूरपश्चिम प्रदेश ०३–००१ च ००१४ नम्बरको जिप दुर्घटनामा परेको हो।
दुर्घटनामा परी बोगटान फुड्सिल गाउँपालिका–३ मेल्टाकी ६६ वर्षीया जुनादेवी साउँद र १७ वर्षीया सीता साउँद गम्भीर घाइते छन्। उनीहरू दुवै जनाको टाउको, खुट्टा र छातीमा चोट लागेको छ। यसैगरी जिपका चालक बोगटान फुड्सिल गाउँपालिका–६ पलाडीका २७ वर्षीय तिर्थ बोगटी र वडा नं. ३ मेल्टाका १९ वर्षीय शारदा साउँद पनि घाइते भएका छन्।
घाइतेहरूलाई उपचारका लागि धनगढीको मायामेट्रो अस्पताल पठाइएको प्रहरीले बताएको छ। बोगटानबाट दिपायलतर्फ जाँदै गरेको जिप अर्को गाडीलाई साइड दिने क्रममा ब्याक हुन गई सडकबाट करिब एक सय ५० मिटर तल खसेको हो।
