डोटीको बडिकेदारमा चट्याङ पर्दा घर भत्कियो, बालक घाइते
पढ्न लाग्ने समय :
धनगढीः डोटीको बडिकेदार गाउँपालिका–२ सडेखानमा शुक्रवार साँझ करिब साढे ७ बजे चट्याङ पर्दा ७ वर्षका दिपेश पुन घाइते भएका छन्।
मामाघरमा बसेर पढ्दै आएका पुन घाइते भएका स्थानीय बासिन्दा तथा शिक्षक धनबहादुर लामिछाने मगरले जानकारी दिएका छन्। पुनको स्थायी घर बोगटान फुड्सिल गाउँपालिका–१ सिमचौर हो।
चट्याङले घन्साराम लामिछाने मगरको घरसमेत भत्किएको छ। दिपेश बेहोसमा रहेकाले स्थानीय स्वास्थ्य चौकीमा उपचारका लागि लगिएको छ। सुदूरपश्चिम प्रदेशमा वर्षासँगै हिमपातसमेत भएको छ।
