जेनजी शहीदहरुको सम्मानमा राष्ट्रिय शोक
पढ्न लाग्ने समय :
न्युज नेपाल समाचार
काठमाडौं, भदौ ३० गते । सरकारले जेनजी शहीदहरूको सम्मानमा सरकारले राष्ट्रिय झण्डा आधा झुकाउँदै राष्ट्रिय शोक मनाउने भएको छ ।
सोमबार गृहमन्त्री ओमप्रकाश अर्यालले पदभार ग्रहण गरे लगत्तै सो निर्णय गरेका हुन् । मन्त्रालयका अनुसार सो निर्णयलाई मन्त्रिपरिषद्को बैठकबाट औपचारिकता प्रदान गरिने छ । मन्त्रीपरिषद्ले नै राष्ट्रिय शोक कहिले मनाउने भन्ने पनि तय गर्ने छ ।
त्यस्तै, गृहमन्त्री अर्यालले जेनजी आन्दोलनका मृतकका परिवारलाई कागकिरिया खर्चको लागि तत्काल एक लाख रुपैयाँ उपलब्ध गराउने समेत निर्णय गरेका छन् ।
भदौ २३ र २४ गते भएको जेनजी आन्दोलनका क्रममा हालसम्म ५१ जनाको मृत्यु भइसकेको छ । त्यस्तै, ३ जना सुरक्षाकर्मीले पनि ज्यान गुमाएका छन् । विभिन्न जेलमा जेल तोडेर भाग्ने क्रममा प्रहरीको गोली लागेर १० जना कैदीको समेत मृत्यु भएको छ ।
