जनताका अपेक्षालाई मार्ने काम नगर्न बालेनलाई खतिवडाको सुझाव
पढ्न लाग्ने समय :
काठमाडौं । नेपाली कांग्रेसका नेता रामहरि खतिवडाले स्वतन्त्र उम्मेदवारहरुको जीतलाई राजनीतिक दलहरुलाई सवक सिकाएको रुपमा लिनुपर्ने बताएका छन् ।
न्यूज नेपाल टेलिभिजनको कार्यक्रम संवादमा कुरा गर्दै खतिवडाले काठमाडौंका अघिल्ला मेयर विद्यासुन्दर शाक्यले काम केही नगरेका कारण जनताको आक्रोश यो निर्वाचनमा देखिएको बताएका हुन् ।
उनले काठमाडौंका मेयर बालेन साहसँग जनताका धेरै अपेक्षा रहेकाले अपेक्षालाई मार्ने काम नगर्न सुझाव दिए । उनले जनताले परिवर्तन खोजिरहेको निर्वाचनबाट देखिएको उनले बताए । यसले देश निर्दलिय व्यवस्थातिर जान लागेको भनेर नबुझ्न आग्रह गरे ।
