चार जना मन्त्रीहरुद्वारा सपथ ग्रहण
पढ्न लाग्ने समय :
न्युज नेपाल समाचार
काठमाडौं असोज ६ गते ।
नवनियुक्त ४ जना मन्त्रीले सोमबार पद तथा गोपनीयताको शपथ लिएका छन् । राष्ट्रपति भवन शीतल निवासमा आयोजित एक कार्यक्रममा राष्ट्रपति रामचन्द्र पौडेलले नवनियुक्त मन्त्रीहरुलाई शपथ ग्रहण गराएका हुन् ।
प्रधानमन्त्री सुशीला कार्कीले सर्वोच्च अदालतका पूर्वन्यायाधीश अनिलकुमार सिन्हा, वैज्ञानिक महावीर पुन, राज्य पुनर्संरचना आयोगका पूर्वसंयोजक मदन परियार र पत्रकार जगदीश खरेललाई मन्त्रीमा नियुक्त गरेकी थिइन् ।
सिन्हाले उद्योग, वाणिज्य तथा आपूर्ति, कानुन, न्याय तथा संसदीय मामिला र भूमि व्यवस्था तथा गरिबी निवारण मन्त्रालयको जिम्मेवारी पाएका छन् त्यस्तै, पुनलाई शिक्षा, विज्ञान तथा प्रविधि, परियारलाई कृषि तथा सहकारी र खरेललाई सञ्चार, सूचना तथा प्रविधि मन्त्रालयको जिम्मेवारी दिइएको छ ।
यससंग कार्की नेतृत्वको मन्त्रीपरिषद्मा मन्त्रीहरुको संख्या सात पुगेको छ । यसअघि अर्थमन्त्रीमा रामेश्वर खनाल, ऊर्जामन्त्रीमा कुलमान घिसिङ र गृहमन्त्रीमा ओमप्रकाश अर्याल नियुक्त भइसकेका छन् ।
