खोटाङ हेलिकप्टर दुर्घटना, घाइतेलाई उपचारका लागि काठमाडौँ ल्याइयो
पढ्न लाग्ने समय :
काठमाडौँ : खोटाङमा भएको हेलिकप्टर दुर्घटनामा घाइते भएका एक यात्रुलाई थप उपचारका लागि काठमाडौँ ल्याइएको छ।
बुधबार दिउँसो केपिलासगढी गाउँपालिका–२ बालाबेसी क्षेत्रमा एयर डाइनेस्टीको ‘९एन–एफक्यू’ कलसाइन भएको हेलिकप्टर दुर्घटनामा परेको थियो। उक्त घटनामा काजीबहादुर राई घाइते भएका थिए।
जिल्ला प्रहरी कार्यालय खोटाङका अनुसार घाइते राईलाई सोही कम्पनीको अर्को हेलिकप्टरमार्फत काठमाडौँ ल्याई उपचारको व्यवस्था गरिएको हो।
दुर्घटनाका बेला चालकसहित कुल ६ जना सवार रहेकोमा अन्य पाँच जना सकुशल रहेको जनाइएको छ।
