कैलाली–२ मा नेकपाका उम्मेदवार साउँद अग्रस्थानमा
पढ्न लाग्ने समय :
धनगढी : कैलालीको प्रतिनिधि सभा सदस्य निर्वाचन क्षेत्र नम्बर २ मा नेपाली कम्युनिस्ट पार्टीका उम्मेदवार नर बहादुर साउँद अग्रस्थानमा देखिएका छन्। साउँदले ४४१ मत प्राप्त गरेका छन्।
उनीपछि नेपाली काँग्रेसका उम्मेदवार विजय बहादुर स्वाँर ले ४०७ मत प्राप्त गरेका छन् भने राष्ट्रिय स्वतन्त्र पार्टी का उम्मेदवार केपी खनालले ३१६ मत प्राप्त गरेका छन्।
त्यसैगरी एमालेका उम्मेदवार सूर्य बहादुर थापाले ३०६ मत प्राप्त गरेका छन्।
अन्य उम्मेदवारहरूमा राष्ट्रिय प्रजातन्त्र पार्टीका भरत सिंह बिष्टले १५ मत, नेशनल रिपब्लिक नेपालका दल बहादुर बुढामगरले ३५ मत, नेपाल कम्युनिस्ट पार्टी (माओवादी केन्द्र) का दिल बहादुर साउँदले ३६ मत, नेपाल मजदुर किसान पार्टी का लक्ष्मी पुन मगरले २ मत, प्रगतिशील लोकतान्त्रिक पार्टीका इन्द्र बहादुर रावलले १ मत, तथा नेपाल मानवतावादी पार्टीका कस्तुरी कँडारा ले २ मत प्राप्त गरेका छन्।
हालसम्म एक हजार ६१३ मत सदर भएका छन् भने ८८ मत बदर भएका छन्।
प्रतिनिधि सभा सदस्य निर्वाचन क्षेत्र नम्बर २ मा २ लाख ७६ हजार ५६७ मतदाता रहेका छन्। मतगणना जारी रहेको र थप परिणाम क्रमशः सार्वजनिक गरिने निर्वाचन अधिकृतको कार्यालयले जनाएको छ।
