कैलालीमा स्कुल बसको ठक्करबाट बालकको मृत्यु
पढ्न लाग्ने समय :
धनगढी : कैलालीमा स्कुल बसको ठक्करबाट एक बालकको मृत्यु भएको छ।
गोदावरी नगरपालिका – ८ स्थित शारदा विद्या निकेतनको से १ क ६०४ नम्बर बसको ठक्करबाट गोदावरी–८ स्थित शान्तिटोलका कृष्ण भुलका छोरा तीन वर्षीय नेहान्त भुलको मृत्यु भएको हो।
उनीलाई सोही स्कुलमा अध्ययन गर्ने दिदीलाई छोड्न गएका बेला बसले ठक्कर दिएको इलाका प्रहरी कार्यालय मालाखेतीले जनाएको छ। उनले बसको ठक्करबाट गम्भीर घाइते भएका उनलाई उपचारका लागि सेती प्रादेशिक अस्पताल लगिएकोमा चिकित्सकले मृत घोषणा गरेको बताए। बस सहित चालक वीर बहादुर विकलाई इलाका प्रहरी कार्यालय मालाखेतीले नियन्त्रणमा लिएको छ।
