कैलालीमा दुर्घटना हुँदा मोटरसाइकल चालकको मृत्यु
पढ्न लाग्ने समय :
धनगढी : कैलालीमा सडक दुर्घटनामा परी एक व्यक्तिको मृत्यु भएको छ। एक जना घाइते भएका छन्। जिल्लाको गोदावरी नगरपालिका र चुरे गाउँपालिकाको सिमानामा टिप्पर र मोटरसाइकल ठोक्किँदा धनगढी उपमहानगरपालिका–४ का ५५ वर्षीय शिव बमको ज्यान गएको हो।
जिल्ला प्रहरी कार्यालयका अनुसार आज खानीडाँडा पिकनिक पार्क नजिक बागमती प्रदेश ०२–०३५ प. ३८०२ नम्बरको मोटरसाइकल र मधेश प्रदेश ००३–००१ क. ३११७ नम्बरको टिप्पर एकआपसमा ठोक्किएको थियो।
दुर्घटनामा गम्भीर बमलाई उपचारका लागि सेती प्रादेशिक अस्पताल पुरÞ्याउँदा चिकित्सकले मृत घोषणा गरेको जिल्ला प्रहरी कार्यालयले जानकारी दिएको छ।
यसैगरी, मोटरसाइकलमा सवार यम बम घाइते छन्। डडेल्धुराको अमरगढी–१ घर भएका चालक हिक्मत दियाललाई टिप्परसहित प्रहरीले नियन्त्रणमा लिएको छ।
