कैलालीको वनबाट बेवारिसे भरुवा बन्दुक बरामद
पढ्न लाग्ने समय :
धनगढी : कैलालीको वनबाट बेवारिसे भरुवा बन्दुक बरामद गरिएको छ। कैलाली प्रहरीले जिल्लाको कैलारी गाउँपालिका–५ स्थित पवेरा सामुदायिक वनबाट बेवारिसे अवस्थामा रहेको एक थान भरुवा बन्दुक बरामद गरेको हो।
जिल्ला प्रहरी कार्यालय कैलालीका अनुसार प्रहरी टोलीले वन क्षेत्रमा लुकाइछिपाइ राखिएको अवस्थामा उक्त एकनाले भरुवा बन्दुक फेला पारेको छ। आवश्यक कानुनी प्रक्रिया पूरा गरी बन्दुक जिल्ला प्रहरी कार्यालय कैलालीमा ल्याइएको छ। घटनाबारे थप अनुसन्धान भइरहेको प्रहरीले जनाएको छ।
प्रहरीले बेवारिसे अवस्थामा भेटिएको हतियारको स्रोत र कसले त्यहाँ लुकाएको भन्ने विषयमा अनुसन्धान अघि बढाएको जनाएको छ।
