काभा यु २० पुरुष भलिबल च्याम्पियनसिपमा नेपालको विजयी सुरुवात
पढ्न लाग्ने समय :
नेपाली युवा टोलीले काभा यु २० पुरुष भलिबल च्याम्पियनसिपमा विजयी सुरुवात गरेको छ । पहिलो खेलमा नेपालले घरेलु टोली श्रीलंकालाई आइतवार ३–० को सोझो सेटमा पराजित गरेको छ । पहिलो सेटमा २५–१४ को सहज जित निकालेको नेपालले पछिल्ला दुवै सेटमा कडा चुनौतीको सामना गर्नुपरेको थियो । यद्यपी नेपालले दोस्रो सेट २५–२३ र तेस्रो सेट नेपालले २८–२६ ले आफ्नो पक्षमा पार्दै च्याम्पियनसिपमा दमदार सुरुवात गरेको हो ।
असोज २६ गतेसम्म कोलम्बोमा हुने प्रतियोगिताको दोस्रो खेलमा असोज २१ गते नेपालले उज्वेकिस्तानको समान गर्नेछ । असोज २२ मा तेस्रो खेलमा माल्दिभ्सको सामना गर्ने नेपालले चौथो खेलमा असोज २४ मा किर्गिस्तानसँग खेल्नेछ । नेपालले पाँचौ खेलमा असोज २५ मा तुर्किमेनिस्तानसँग खेल्नेछ । प्रतियोगिताको शीर्ष दुईमा रहने टोलीबीच असोज २६ मा फाइनल खेल हुनेछ ।
