काँग्रेसको घोषणापत्र आइतवार सार्वजनिक हुने
पढ्न लाग्ने समय :
काठमाडौं : नेपाली काँग्रेसले आगामी आइतवार प्रतिनिधि सभा सदस्य निर्वाचन २०८२ का लागि घोषणापत्र सार्वजनिक गर्ने भएको छ।
काँग्रेसका प्रवक्ता तथा केन्द्रीय प्रचार प्रसार समिति संयोजक देवराज चालिसेले आइतवार पार्टीको घोषणापत्र सार्वजनिक गर्ने जानकारी दिएका हुन्।
काँग्रेसले पार्टीको घोषणा पत्रलाई प्रतिज्ञा पत्रको नाम दिएको छ। प्रवक्ता चालिसेले प्रतिज्ञा पत्र सार्वजनिकका लागि आइतवार पत्रकार सम्मेलन आयोजना गरिने बताए।
उनका अनुसार प्रतिज्ञा पत्र सार्वजनिकका लागि काँग्रेसले आइतवार दिउँसो २ बजे सानेपास्थित पार्टी केन्द्रीय कार्यालयमा पत्रकार सम्मेलन गर्दै छ।
