कञ्चनपुरको पुनर्वासमा निःशुल्क स्वास्थ्य उपचार शिविर सुरु
पढ्न लाग्ने समय :
धनगढी : कञ्चनपुरको पुनर्वास नगरपालिकामा निःशुल्क स्वास्थ्य उपचार शिविर सुरु भएको छ।
पुर्नवास नगरपालिका–११ मा बिहिवारदेखि निःशुल्क स्वास्थ्य शिविर सञ्चालन गरिएको हो।
आधारभूत स्वास्थ्य केन्द्र, पुनर्वासकी अहेव कल्पना थापाले चार दिनसम्म शिविर सञ्चालन हुने बताइन्। शिविरमा मधुमेह, रक्तचाँप जस्ता नसर्ने रोगहरूको परीक्षण तथा उपचार हुने भएको छ। जटिल प्रक्रियाका बिरामीहरूलाई धनगढी रेफर गर्ने जनाइएको छ। सामान्य रोग पत्ता लगाउन र उपचारका लागि नगरपालिकाका सबै वडाहरूमा कार्यक्रम सञ्चालन गरिएको छ। पुनर्वास नगरपालिका–११ मा मात्र चार स्थानमा शिविर सञ्चालन गरिने भएको छ। स्थानीय राजेन्द्र क्षेत्रीले शिविरबाट जनताले स्वास्थ्य उपचार सेवा पाएका बताए। आफ्नै वडामा स्वास्थ्य उपचार सेवा पाएको भन्दै उनले खुसी व्यक्ति गरेका छन्।
