अन्तरिम सरकार गठनसँगै जनजीवन सामान्य बन्दै
पढ्न लाग्ने समय :
न्युज नेपाल समाचार
धनगढी, भदौ २८ गते । अन्तरिम सरकार गठनसँगै काठमाडौं उपत्यकासहित देशभरको जनजीवन सामान्य बन्दै गएको छ । शुक्रबार राती राष्ट्रपति रामचन्द्र पौडेलले पूर्वप्रधानन्यायाधीस सुशीला कार्कीलाई अन्तरिम सरकार प्रमुख (प्रधानमन्त्री) नियुक्त गरिसकेका छन् । नवनियुक्त प्रधानमन्त्री कार्कीको शुक्रबार राती नै पद तथा गोपनियताको सपथ ग्रहण समेत भइसकेको छ ।.
शनिबार काठमाडौं उपत्यकामा लगायत देशभर जनजीवन सामान्य बन्दै गएको छ । भदौ २४ गते रातीदेखि सुरक्षार्थ परिचालन भएको नेपाली सेना अहिले सडकमा देखिएका छैनन् । नेपाल प्रहरी र सशस्त्र प्रहरी बलले सुरक्षा दिइरहेको छ । ट्राफिक प्रहरीले यातायात व्यवस्थापन पुनः सुरु गरेको छ । आम मानिसहरू कार्यालय, र आवश्यक कामका लागि सडकमा निस्किएका छन् । होटल र पसलहरू खुलेका छन् ।
