अछाम निर्वाचन क्षेत्र नम्बर १ मा कांग्रेसका स्वाँर विजयी
पढ्न लाग्ने समय :
अछाम : अछाम निर्वाचन क्षेत्र नम्बर १ मा नेपाली कांग्रेसका उम्मेदवार भरतकुमार स्वाँर विजयी भएका छन। उनले नेपाल कम्युनिस्ट पार्टीका उम्मेदवार भीमबहादुर रावललाई ५२८ मतान्तरले पराजित गर्दै जित निकालेका हुन।
निर्वाचन कार्यालयले सार्वजनिक गरेको अन्तिम मत परिणाम अनुसार भरतकुमार स्वाँरले १० हजार ७५८ मत प्राप्त गर्नुभएको छ भने उहाँका निकटतम प्रतिद्वन्द्वी भीमबहादुर रावलले १० हजार २३० मत प्राप्त गरे।
त्यस्तै, नेकपा (एमाले) का उम्मेदवार दीपकबहादुर साउदले ७ हजार ३८६ मत प्राप्त गरेका छन। राष्ट्रिय स्वतन्त्र पार्टी (रास्वपा) का उम्मेदवार ओमप्रकाश रावलले १ हजार ७३७ मत प्राप्त गर्नुभएको निर्वाचन परिणाममा उल्लेख छ।
विजयी स्वाँर अछाम जिल्लाका पूर्व जिविस सभापति र नेपाली कांग्रेस अछामका पूर्व सभापति हुन।
