साम्बाको एक करोड बढी उपचार खर्च जुट्यो
पढ्न लाग्ने समय :
धनगढी : राष्ट्रिय महिला टोलीकी कप्तान सावित्रा भण्डारी ‘साम्बा’ले उपचारका लागि आवश्यक रकम जुटिसकेको भन्दै सहयोग रोकिदिन समर्थकहरूलाई आग्रह गरेकी छिन्।
सामाजिक संजालमार्फत् धन्यवाद ज्ञापन गर्दै साम्बाले आफ्नो नेपाली बैंक खातामा एक करोड रुपैयाँभन्दा बढी र विदेशी प्लाटफर्ममा ४५ लाख नेपाली रुपैयाँ ९५२ हजार न्युजिल्यान्ड डलर० जम्मा भएको जानकारी दिएकी छिन्।
‘मलाई प्रायोजन गर्नुहुने संस्था र अन्य नेपालका धेरै संघसंस्थाले पनि नगद र सुविधा सहयोगको वाचा गर्नुभएको छ। यसले मेरो उपचार खर्च मात्र नभएर, कतारमा उपचारका दौरान लाग्ने आवास र यातायात पनि पुग्ने देखिन्छ। कतारमा रहनुहुने विभिन्न व्यक्तित्व र संस्थाले पनि सहयोगको वाचा गर्नुभएको छ। त्यसैले म आजबाट नै दुवै अकाउन्टमा सहयोग रकम रोकिदिनु हुन अनुरोध गर्दछु,’ साम्बाले फेसबुकमा लेखेकी छिन्।
अखिल नेपाल फुटबल संघ ९एन्फा० उपचारका लागि सहयोग गर्ने तयार नभएपछि साम्बाले सोमबार सामाजिक सञ्जालमार्फत आर्थिक सहयोग अपिल गरेकी थिइन्। सात सातादेखि घुँडाको एसिएल र ग्राफटमा गम्भीर चोट बोकेकी उनको शल्यक्रिया र विश्वस्तरीय उपचार गर्न ८० हजार अमेरिकी डलर ९एक करोड १५ लाख रुपैयाँ० खर्च हुने बताइएको छ।
