रास्वपाका किशोरी साहको उम्मेदवारी खारेज
पढ्न लाग्ने समय :
काठमाडौंः निर्वाचन आयोगले धनुषा क्षेत्र नम्बर १ का रास्वपा उम्मेदवार किशोरी साहको उम्मेदवारी खारेज गरेको छ।
बैँक तथा वित्तीय संस्थाको कालोसूचीमा रहेको प्रमाण पुगेपछि उनको उम्मेदवारी खारेज भएको आयोगले बताएको छ।
कर्जा सूचना केन्द्रको अद्यावधिक विवरण अनुसार कमल निर्माण सेवा प्रालिका शेयरधनी रहेका किशोरी २०८० कालोसूचीमा देखिएका रहेको र विभिन्न मितिमा उनको नाम एकल र संयुक्त रुपमासमेत चेक बाउन्ससम्बन्धी कालो सूचीमा परेकाहरुको विवरणमा उल्लेख रहेको पाइएको छ।
निर्वाचन आयोगले धनुषा निर्वाचन क्षेत्र नम्बर –१ का रास्वपाका किशोरी साहको उम्मेदवारी खारेज खारेजपछि अब मतपत्रमा घण्टी चिह्नमा छाप लगाइएको मत के हुन्छ ? यो प्रश्न धेरैतिरबाट उठेको छ।
मतपत्र छापिएर गइसकेकाले धनुषा–१ को प्रत्यक्षतर्फको मतपत्रमा घण्टी चिह्न कायमै रहने आयोगले जनाएको छ। तर उम्मेदवारी नै खारेज भइसकेको अवस्थामा उम्मेदवार नभएको चिह्नमा खसेको मत गणना नहुने आयोगको भनाइ छ।
उम्मेदवारी खारेज भएको चिह्नमा खसेको मत बदर मानेर गणना नै नहुने आयोगको ऐनमै छ। रास्वपाको उम्मेदवारी नै नरहेको अवस्थामा धनुषा–१ मा बाँकी उम्मेदवारको मात्र मत गणना हुने आयोगले जनाएको छ।
