भीषण पहिरोका कारण महाकाली लोकमार्ग अवरुद्ध
पढ्न लाग्ने समय :
न्युज नेपाल समाचार
धनगढी, भदौ ३१ गते । भारी वर्षासँगै भीषण पहिरो खसेपछि महाकाली राजमार्ग अवरुद्ध भएको छ । मंगलबार बिहान ९ बजेतिर बैतडीको दोगडाकेदार गाउपालिका–५ सलसेना, साजाधारमा पहिरो खसेको स्थानीयले बताए । पहिरोका कारण सवारी आवागमन पूर्ण रुपमा अवरुद्ध भएको छ ।
महाकाली लोकमार्गको सतबाँझ–गोकुलेश्वर सडक खण्ड अन्तर्गत सलसेनामा पहिरो खसेपछि यातायात ठप्प भएको जिल्ला प्रहरी कार्यालय बैतडीले जनाएको छ ।
सडक अवरुद्ध भएपछि दार्चुलाबाट विभिन्न जिल्लाका लागि छुटेका गाडी, बैतडी तथा तराईका जिल्लाहरुबाट दार्चुलाका लागि गएका गाडीहरु बीच बाटोमा रोकिएका छन् । बैतडी जिल्ला प्रहरी कार्यालयले पन्छ्याउन दोगडाकेदार गाउँपालिका र सडक डिभिजन कार्यालयसँग समन्वय भइरहेको जनाएको छ ।
