ब्राउन सुगरसहित दुई जना पक्राउ
पढ्न लाग्ने समय :
न्युज नेपाल समाचार
धनगढी, भदौ १६ गते ।
कैलालीका दुई स्थानबाट ब्राउन सुगरसहित दुई जना पक्राउ परेका छन् । प्रहरीले उनीहरुको साथबाट ९ दशमलव २३० ग्राम ब्राउन सुगर बरामद गरेको छ ।
जिल्ला प्रहरी कार्यालय, कैलालीका अनुसार आइतबार लागू औषध नियन्त्रण ब्युरो र गेटा प्रहरी चौकीको संयुक्त प्रहरी टोलीले गोदावरी नगरपालिका–१, बिजौराबाट २७ वर्षीय राजु चौधरीलाई पक्राउ गरेको छ । जिल्ला प्रहरी कार्यालय, कैलालीका अनुसार राजुले चलाएको से.३ प ५१४१ नम्बरको मोटरसाइकलको ह्याण्डलमुनि लुकाएको अवस्थामा ९ ग्राम ब्राउन सुगर बरामद भएको छ ।
त्यस्तै, कैलालीको टीकापुर नगरपालिका–६, नारायणपुर चोकबाट प्रहरी टोलीले ४१ वर्षीय नारायण डगौरालाई २३० मिलिग्राम ब्राउन सुगर सहित पक्राउ गरिएको छ ।
