नेपाल र श्रीलंकाबीचको कुटनीतिक सम्बन्धलाई थप उचाईमा पु¥याउने काम गर्छुः पूर्णबहादुर नेपाली
पढ्न लाग्ने समय :
श्रीलंकाका लागि प्रश्तावित राजदुत पूर्णबहादुर नेपालीले आफू राजदुत बनेसँगै नेपाल र श्रीलंकाबीचको कुटनीतिक सम्बन्धलाई थप उचाईमा पु¥याउने गरी जिम्मेवारीपूर्वक काम गर्ने बताउनुभएको छ । आईतवार सिंहदरबारमा बसेको समिति बैठकमा आफ्ना कार्ययोजना प्रश्ततु गर्दै नेपालीले यस्तो बताउनुभएको हो । बैठकमा संसदीय सुनुवाइको क्रममा प्रश्तावित राजदुत नेपालीले विश्व समुदायमा नेपालको प्रतिष्ठा तथा गौरवमय छवि रहेको बताउँदै आफू जिम्मेवार भएर राष्ट्रको हित हुने काम गर्ने प्रतिवद्धता व्यक्त गर्नुभयो । उहाँले नेपाल र श्रीलंकाबीचको कुटनीतिक सम्बन्धलाई थप उचाईमा पु¥याउँदै आर्थिक समृद्धिको ढोका खोल्न लागिपर्ने बताउनु भयो । उहाँले नेपालको संविधान परराष्ट्र नीतिलाई पूर्ण रुपमा पालना गर्ने बताउनु भयो ।
उहाँले भन्नुभयो, ‘विश्व समुदायमा नेपालको मान, सम्मान र प्रतिष्ठा तथा गौरवमय छवि जुन बनाउँदै आइरहेको छ त्यसप्रति म जिम्मेवार भएर राष्ट्रको हितका निम्ति काम गर्ने प्रतिवद्धता व्यक्त गर्दछु । नेपाल र श्रीलंकाबीचको लामो कुटनीतिक सम्बन्ध बिस्तार, सम्मान र सहयोगलाई निरन्तरता दिनेछौं । असंलग्नको सम्बन्ध, क्षेत्रीय फोरमहरुमा समेत कुटनीति बलियो हुने अवधारणाहरु राख्न उपयुक्त ठानेको छु । बिमस्टेक र सार्कको सम्बन्धमा दुवै देशहरुले प्राप्त गरेका जुन उपलब्धीहरु छन् ति उपलब्धीहरु म आफ्नो मार्गदर्शनको रुपमा लिएर अघि बढ्नेछु । नेपालको संविधान २०७२, नेपालको परराष्ट्र नीति, २०७७ र सन्तुलित तथा पारस्परिक सम्बन्धका कुराहरुलाई महत्वपुर्ण रुपमा अवलम्वन गर्ने प्रयास गर्नेछु । विश्व शान्ती अभियानमा नेपाल सधैं पक्षधर थियो । यो भविष्यमा पनि रहने नै छ ।’
उहाँले बौद्ध दर्शनको बिस्तारका लगि आफू लागिपर्ने बताउनु भयो । नेपालमा भगवान गौतमबुद्धको जन्मस्थल लुम्बिनी रहेको उल्लेख गर्दै प्रचुर अवसर र सम्भावना रहेको बताउनु भयो । उहाँले आफू लुम्बिनीलाई ध्यान तथा मेडिटेसनको केन्द्रको रुपमा विकास गर्ने प्रतिवद्धता व्यक्त गर्नुभयो । उहाँले नेपालको पर्यटन प्रवद्र्धनका लागि बुद्धका योगदानहरुबारे जानकारी गराउँदै सुझबुझका साथ काम गर्ने बताउनु भयो ।
उहाँले भन्नुभयो, ‘नेपाल र श्रीलंका दुवै सानो देशहरु हो । विभिन्न फोरमहरुमा समान अवधारणा राख्दै आइरहेको छ । लुम्बिनी पनि गौतम बुद्धको जन्मस्थल भएको र जसको कारणले गर्दाखेरि पर्यटनको सम्भावना देखिन्छ । यसलाई सांस्कृतिक र पिपुलको इन्टरफेसमा एक मौलिक डिप्लोमेसीका सम्भावनाहरु देखिन्छन् । यो हाम्रा अवसर र सम्भावना दुवै हो । पछिल्लो समय मानसिक समस्या भएको र वातावरण प्रदुषण भएको हिसावले ध्यान केन्द्र, मेडिटेसनको केन्द्र, विभिन्न अध्ययनका हिसाबमा स्प्रिच्युलिटीका रुपमा निर्माण गर्नसक्ने अवसरहरु छन् । धार्मिक हिसावले केही चुनौतिहरु पनि छन् । बुद्ध धर्म र हिन्दुमा त्यति तात्विक भिन्नता नदेखिँदो रहेछ । तर श्रीलंकमा यो एक विभेदजस्तै छ । यसलाई सुझबुझका साथ काम गर्नुपर्ने देखिन्छ । अब पर्यटनका सम्बन्धमा बुद्धका विभिन्न योगदानहरुबारे जानकारी गराउन समस्या देखिन्छ । तर भिसाका सम्बन्धमा राज्यले निर्णय गरेपनि त्यसको कार्यान्वयनको सम्बन्धमा ढिलाई भइरहेको नै छ ।‘
नेपालीको नाम गणतन्त्र माल्दिभ्सको गैरआवासीय नेपाली राजदुतमा समेत अनुमोदन भएको छ ।
