नवजीवनको अध्यक्षमा घन बहादुर शाहले गरे प्यानलसहित उम्मेदवारी घोषणा
पढ्न लाग्ने समय :
धनगढी : नवजीवन सहकारीको अध्यक्षमा घनबहादुर शाहले प्यानलसहित उम्मेदवारी घोषणा गरेका छन्। “हाम्रो समृद्धि, हाम्रो एकताबाट सम्भव छ” भन्ने नारासहित उनले सार्वजनिक गरिएको प्यानलमा विभिन्न क्षेत्रका अनुभवी व्यक्तिहरू समावेश छन् ।
प्यानलबाट अध्यक्ष पदमा घन बहादुर शाह उम्मेदवार रहेका छन् भने उपाध्यक्ष पदमा ईश्वर प्रसाद जोशी उम्मेदवार बनेका छन् । त्यस्तै सदस्य पदका लागि दिर्घ बहादुर शाह, धनन्जय भट्ट, पवित्रा धिक्त (पाण्डयो), लक्ष्मी नारायण चौधरी, विक्रम विश्वकर्मा, विश्वनाथ ओझा तथा शिव कुमार जोशी (फुलारा) चुनावी मैदानमा रहेका छन् ।
उनीहरुको सहकारी, बैङ्किङ, कृषि, शिक्षा, सामाजिक सेवा तथा विभिन्न संघसंस्थामा लामो अनुभव रहेको उल्लेख गरिएको छ । प्यानलले सहकारी संस्थालाई पारदर्शी, सदस्यमुखी र दिगो विकासको लक्ष्यअनुसार अघि बढाउने प्रतिबद्धता जनाएको छ । “दिगो विकास लक्ष्य प्राप्तिका लागि सहकारी” भन्ने सन्देशसमेत समेटिएको छ । धनगढीमा बुधवार पत्रकार सम्मेलनको आयोजना गर्दै शाहले सहकारी सुधारका लागि अध्यक्षमा उम्मेदवारी दिएको बताएका छन्।
