देउवा, ओली र प्रचण्डको विदाई गरौं– शर्मा
पढ्न लाग्ने समय :
न्युज नेपाल समाचार
धनगढी, भदौ २८ गते । नेपाली कांग्रेसका महामन्त्री विश्वप्रकाश शर्माले काँग्रेस पार्टी सभापति शेरबहादुर देउवा, एमाले अध्यक्ष केपी ओली र माओवादी अध्यक्ष प्रचण्डले अब राजनीतिबाट बिदा लिनुपर्ने बताएका छन् ।
शनिबार एक भिडियो सन्देशमार्फत उनले भनेका छन्– लामो समयदेखि चुनाव भएर नयाँ सरकार बनेपनि यिनै तीन नेताकै वरिपरि घुमिरहेको हुनाले जनतामा चर्को असन्तुष्टि बढेको छ । आफूले पटक पटक पार्टीमा कुरा उठाए पनि निर्णय गराउन नसकेको महामन्त्री शर्माले स्वीकारेका छन् । उनले भनेका छन्– जतिपल्ट पनि चुनाव हुन्छ । नयाँ सरकार बन्छ, प्रधानमन्त्री उहाहरू नै । उहाँहरूले कहिले छोड्नुहुन्छ भनेर पर्खिनुपर्ने, छाडिदिनुस् भनेर अनुरोध गर्नुपर्ने ? त्यसैले अब यसलाई सिस्टममा ल्याऔँ । विधिमा ल्याऔँ । ताकि भोलि गगन विश्वको पुस्ताले नेतृत्व गर्दै गर्दा पछि कसैले छाडिदिनुस् भन्न नपरोस् ।
महामन्त्री शर्माले राष्ट्रपति एक पटक, प्रधानमन्त्री दुई पटक, मन्त्री तीन र सांसद चार पटक भन्दा बढी बन्न नपाउने व्यवस्था गर्नुपर्ने प्रस्ताव गरेका छन् । उनले भनेका छन्– अब पार्टीमा आत्मसमिक्षा, आत्मालोचना र आत्मसंकल्पसहित नयाँ ढंगले अघि बढ्नुपर्दछ ।
