डोटीमा जिप दुर्घटना हुँदा २ जनाको मृत्यु
पढ्न लाग्ने समय :
धनगढी : डोटीमा जिप दुर्घटना हुँदा दुई जनाको मृत्यु भएको छ। जिल्लाको आदर्श गाउँपालिका–६ रौसेल्ला भन्ने ठाउँमा भएको दुर्घटनामा परी आदर्श गाउँपालिका–३ काँडीस्याउलेका करिब २२ वर्षीका सुबोध रोकाया र १९ वर्षीय कैलाश विकको मृत्यु भएको हो।
दुर्घटना राति करिब रााढे १२ बजे भएको प्रहरीले बताएको छ। प्रहरीका अनुसार उनीहरुको घटनास्थलमै मृत्यु भएको हो।
गिरिचौकाबाट काँडीस्याउलेतर्फ आउँदै गरेको सुदूरपश्चिम प्रदेश ०१ ००१ च ३९२३ नम्बरको बोलेरो जिप घुम्तीबाट खसेको जिल्ला प्रहरी कार्यालय, डोटीले जानकारी दिएको छ।
मृतक दुवैको शव र दुर्घटनाग्रस्त जिपसँगै सडकबाट करिब ९०० मिटर तल सायली गाडमा खसेको छ। मृतकहरूको शव खोलाबाट सडकमा ल्याउने कार्य भइरहेको प्रहरीले जनाएको छ।
