जुवातास खेलिरहेका ९ जना पक्राउ
पढ्न लाग्ने समय :
धनगढी: बझाङको जयपृथ्वी नगरपालिका–१०, चैनपुरस्थित प्रकाश बिकको घरको कोठामा जुवातास खेलिरहेको अवस्थामा ९ जनालाई प्रहरीले पक्राउ गरेको छ।
आइतबार दिउँसो जुवातास खेलिरहेको भन्ने गोप्य सूचनाका आधारमा जिल्ला प्रहरी कार्यालय बझाङबाट खटिएको प्रहरी टोलीले ३२ वर्षीय प्रकाश बिकसहित ९ जनालाई पक्राउ गरेको हो।
पक्राउ परेकाहरूको साथबाट नगद ५३ हजार ९९० रुपैयाँ, खुला तास ९ गड्डी तथा नखोलेको तास १ बण्डल बरामद गरिएको प्रहरीले जनाएको छ।
घटनाका सम्बन्धमा जिल्ला प्रहरी कार्यालय बझाङले आवश्यक अनुसन्धान गरिरहेको छ।
