कैलालीमा एक वर्षमा तीन हजार एक सय पाँच मुद्दा फर्छ्यौट
पढ्न लाग्ने समय :
धनगढी : कैलाली जिल्ला अदालतले एक वर्षमा तीन हजार १०५ (६६.९३ प्रतिशत) वटा मुद्दा फर्छ्यौट गरेको छ ।
अदालतले आज पत्रकार सम्मेलन गरी गत आर्थिक वर्ष २०८२/८३ मा सो सङ्ख्यामा मुद्दा फर्छ्यौट गरेको जनाएको हो । लक्ष्य भने हासिल गर्न नसकेको जनाइएको छ । अदालतले वर्षभरीमा तीन हजार १८२ मुद्दा फर्छ्यौट गर्ने लक्ष्य राखेको थियो ।
जिम्मेवारी सरेकोबाट एक हजार ४७ नयाँ दर्ता भएकोबाट दुई हजार ५८ वटा मुद्दा फर्छ्यौट भएको अदालतका स्रेस्तेदार जनकराज पन्तले जानकारी दिए । अदालतमा जिम्मेवारी सरेको तर्फको लगत एक हजार ३०५, नयाँ दर्ता तर्फको लगत तीन हजार ३३४ गरी जम्मा लगत चार हजार ६३९ रहेको थियो । जम्मा लगतमध्ये एक हजार ५३४ वटा मुद्दा फर्छ्यौट हुन नसकेको जनाइएको छ ।
