कैलालीको मंगलपुरमा स्कुटर दुर्घटना हुँदा युवकको मृत्यु
पढ्न लाग्ने समय :
धनगढी : कैलालीको मंगलपुरमा स्कुटर दुर्घटना हुँदा एक युवकको मृत्यु भएको छ। जिल्लाको गौरीगंगा नगरपालिका वडा नम्बर १ मंगलपुरमा सुदूरपश्चिम प्रदेश ०१–०१२ प ५९२९ नम्बरको स्कुटर आइतवार राति दुर्घटना भएको हो।
स्कुटर अनियन्त्रित भएर दुर्घटना हुँदा घोडाघोडी नगरपालिका वडा नम्बर ८ आमखैयाका २३ वर्षीय रोशन चौधरीको मृत्यु भएको छ। नेपाल प्रहरीले दुर्घटनामा गम्भीर घाइते भएका चौधरीको सेती प्रादेशिक अस्पतालमा मृत्यु भएको बताएको छ। दुर्घटनाका विषयमा अनुसन्धान जारी रहेको प्रहरीले बताएको छ।
