कैलालीको गोदावरी आर्यघाटमा सरसफाइ

Friday April 17, 2026

पढ्न लाग्ने समय :


धनगढी : कैलालीको गोदावरी आर्यघाटमा सरसफाइ गरिएको छ। युवाको नेतृत्व विकास र समाजमा सकारात्मक सन्देश प्रवाह गर्ने उद्देश्यले अत्तरिया जेसिजको आयोजनामा गोदावरी आर्यघाटमा सरसफाइ गरिएको हो।

वातावरण संरक्षण र स्वच्छता प्रवर्धनसँगै युवामा नेतृत्व विकास तथा व्यक्तित्व निखार्ने उद्देश्यले आर्यघाट क्षेत्रमा सरसफाइ गरिएको बताइएको छ। सरसफाइमा अत्तरिया जेसिजका पदाधिकारी तथा सदस्यहरूको सक्रिय सहभागिता रहेको थियो । सरसफाइ अभियानमार्फत आर्यघाट क्षेत्रको फोहोर व्यवस्थापन गरी “स्वच्छ वातावरण, स्वस्थ जीवन” भन्ने सन्देश प्रवाह गरिएको आयोजकले जनाएको छ ।

अत्तरिया जेसिजका स्वास्थ्य संयोजक जेसी ज्ञानेन्द्र खड्काले जेसिजले युवालाई नेतृत्व क्षमता अभिवृद्धि, व्यक्तित्व विकास र सामाजिक उत्तरदायित्वप्रति सचेत बनाउने महत्वपूर्ण भूमिका खेल्दै आएको बताए । उनका अनुसार “जेसिज युवाहरूलाई केवल कार्यक्रममै सीमित नराखी समाजमा सकारात्मक परिवर्तन ल्याउने प्रेरणा दिने सशक्त माध्यम हो। यस्ता गतिविधिहरूले युवालाई जिम्मेवार, सक्षम र समाजप्रति उत्तरदायी बनाउँछ।”

उनले आगामी दिनहरूमा पनि वातावरण संरक्षण, स्वास्थ्य सचेतना तथा सामाजिक रूपान्तरणका कार्यक्रमहरूलाई निरन्तरता दिइने जानकारी दिए । अत्तरिया जेसिजले पछिल्लो समय समाजमा सकारात्मक प्रभाव पार्ने विभिन्न गतिविधिहरू सञ्चालन गर्दै आएको छ, जसले युवामा जागरण ल्याउनुका साथै समुदायमा सकारात्मक ऊर्जा प्रवाह गर्न टेवा पु¥याउँदै आएको छ।

 


भर्खर

अविरल वर्षाले देशभरका विभिन्न सडक अवरुद्ध, आवागमन प्रभावित

अविरल वर्षाका कारण देशका विभिन्न स्थानमा बाढी र पहिरो जाँदा सडक अवरुद्ध भएका छन् ।

कञ्चनपुर र अछाममा अदालतबाट सजाय तोकिएका पाँच जना पक्राउ

अदालतबाट कैद तथा जरिवाना सजाय तोकिएपछि फरार रहेका पाँच जनालाई प्रहरीले कञ्चनपुर र अछामबाट पक्राउ

सुदूरपश्चिममा डायलाइसिस सेवा विस्तार गर्ने मुख्यमन्त्री भट्टको पहिलो निर्णय

सुदूरपश्चिम प्रदेशका नवनियुक्त मुख्यमन्त्री खगराज भट्टले स्वास्थ्य सेवा सुधारलाई आफ्नो सरकारको प्राथमिकतामा राखेका छन् ।