कैलालीको खुटियामा डुबेर चार युवकको मृत्यु
पढ्न लाग्ने समय :
न्युज नेपाल समाचार
धनगढी, भदौ १२ गते/ कैलालीको गोदावरी नगरपालिका वडा नम्बर ९, खुटिया खोलामा वेपत्ता चार जना युवकहरुको शव फेला परेको छ । धनगढी उपमहानगरपालिका घर भएका १७ वर्षीय सक्षम जोशी, १६ वर्षीय जेव भण्डारी, १७ वर्षीय जाबेज भण्डारी र १५ वर्षीय प्रतिक चौधरी मृत अवस्थामा फेला परेको प्रहरीले जनाएको छ ।
उनीहरू चारै जना बिहीबार नुहाउने क्रममा खुटिया खोलामा वेपत्ता भएका थिए । उनीहरुसँगै अन्य तीन जना पनि नुहाउन गएका थिए । इलाका प्रहरी कार्यालय मालाखेतीका डिएसपी रणबहादुर चन्दका अनुसार प्रहरी तथा सशस्त्र प्रहरीको टोलीको संयुक्त प्रयासपछि उनीहरुको शब बरामद भएको हो ।
