कैलालीका पाँच वटै निर्वाचन क्षेत्रका लागि मतगणना स्थल तोकिए
पढ्न लाग्ने समय :
धनगढी : कैलालीका पाँच वटै निर्वाचन क्षेत्रका लागि मतगणना स्थल तोकिएको छ।
कैलालीको निर्वाचन क्षेत्र नम्बर १ का लागि टीकापुर सिटि हलमा मतगणना हुने छ। निर्वाचन क्षेत्र नम्बर २ को मतगणना मोतिपुरस्थित राष्ट्रिय माविमा हुने छ। क्षेत्र नम्बर २ को मतगणना लम्की चुहा नगरपालिका वडा नम्बर २ स्थित राष्ट्रिय माविमा हुने निर्वाचन अधिकृत इन्द्रकुमार श्रेष्ठले बताए।
त्यस्तै, निर्वाचन क्षेत्र नम्बर ३ को मतगणना घोडाघाडी बहुमुखी क्याम्पसमा हुने छ, भने निर्वाचन क्षेत्र नम्बर ४ को मतगणना सहिद दशरथ चन्द स्वास्थ्य विज्ञान विश्वविद्यालय भवन तोकिएको छ।
कैलाली निर्वाचन क्षेत्र नम्बर ५ मतगणना मुख्य निर्वाचन अधिकृतको कार्यालय रहेको तालिम केन्द्र भवनमा हुने छ। कैलालीमा पाँच लाख ५१ हजार ५२ मतदाता रहेका छन्।
