कैलालीबाट बहुविवाह मुद्दाका फरार प्रतिवादी ५ वर्षपछि पक्राउ
पढ्न लाग्ने समय :
धनगढी : कैलालीको गोदावरीबाट बहुविवाह मुद्दाका फरार रहेका २ जना प्रतिवादी ५ वर्षपछि पक्राउ परेका छन।
जिल्ला अदालत डोटीले २०७७ पुस २८ गते बहुविवाह मुद्दामा ११ महिना २१ दिन कैद सजाय तेकिएका डोटीको पुर्वीचौकी गाउँपालिका– १ फुलौटका ३२ वर्षीय देव बहादुर ऐर र २६ वर्षीय जानकी चयडा पक्राउ परेका हुन।
उनलाई शुक्रवार गोदावरी नगरपालिका – ९ वल्मीमा लुकिछिपी बस्दै आएको अवस्थामा पक्राउ गरिएको प्रदेश प्रहरी कार्यालय धनगढीले जनाएको छ। दुवैजनालाई जिल्ला प्रहरी कार्यालय डोटीबाट खटिएको प्रहरी टोलीले पक्राउ गरेको थियो।
