कञ्चनपुरमा अवैध काठ बरामद
पढ्न लाग्ने समय :
कञ्चनपुर: कञ्चनपुरको दोधारा चाँदनी नगरपालिका–६ स्थित भैरव जनकल्याण सामुदायिक वन क्षेत्रभित्र लुकाई छिपाई राखिएको अवस्थामा अवैध काठ बरामद गरिएको छ।
इलाका प्रहरी कार्यालय दोधारा चाँदनीबाट खटिएको प्रहरी टोलीले सगुन जातको गोलिया काठ ६ थान (९७० क्युफिट) बेवारिसे अवस्थामा फेला पारी नियन्त्रणमा लिएको हो। बरामद काठको अन्दाजी मूल्य रु. ७७ हजार रहेको प्रहरीले जनाएको छ।
उक्त काठ आवश्यक प्रक्रिया पूरा गरी सुक्लाफाँटा राष्ट्रिय निकुञ्जको कार्यालय मझगाउँ, कञ्चनपुरको जिम्मा लगाइएको छ।
घटनाबारे थप अनुसन्धान भइरहेको प्रहरीले जनाएको छ।
