कञ्चनपुरको बेलौरीका विद्यालय चार दिन बन्द
पढ्न लाग्ने समय :
धनगढी : कञ्चनपुरको बेलौरी नगरपालिकाले पालिकास्थित विद्यालयहरूमा थप चार दिन बिदा दिएको छ।
मौसम प्रतिकूलताका कारण मङ्गलवारदेखि पुस २५ गतेसम्म चार दिन जाडो बिदा दिइएको पालिकाकाले बताएको छ।
यसअघि पुस १७ र १८ गते पनि पालिकास्थित विद्यालयहरूमा जाडो बिदा दिइएको थियो।
हालको मौसमी प्रतिकूलताका कारण विद्यार्थी, शिक्षक, कर्मचारीको स्वास्थ्यमा पर्ने असरलाई दृष्टिगत गर्दै विद्यालयको सञ्चित हिउँदे बिदाबाट कट्टी हुने गरी बेलौरीस्थित सामुदायिक र संस्थागत सबै विद्यालयमा जाडो बिदा दिइएको हो। मङ्गलवारदेखि आगामी शनिवारसम्म विद्यालयहरू बन्द रहनेछन् ।
अत्यधिक चिसोका कारण विद्यार्थीको स्वास्थ्य अवस्थामा प्रतिकूल असर पर्न सक्ने भएकाले विद्यालयहरूमा जाडो बिदा दिइएको होे । बिदाको समयमा सुरक्षित तरिकाले घरमा बसेर अध्ययन गर्न पालिकाले विद्यार्थीहरूलाई आग्रह गरेको छ । बेलौरी नगरपालिकामा ३१ सामुदायिक र २१ संस्थागत गरी ५२ विद्यालय सञ्चालनमा छन् ।
