अझै जलिरहेका छन सरकारी कार्यालय
पढ्न लाग्ने समय :
न्युज नेपाल समाचार
धनगढी, भदौ २५ गते ।
जेनजीको उग्र र हिंसात्मक आन्दोलनका क्रममा मंगलबार दिउँसो आगो लगाइएका सरकारी कार्यालयहरु बुधबारसम्म पनि जलिरहेका छन् ।
सुदूरपश्चिम प्रदेश राजधानी धनगढीस्थित मुख्यमन्त्रीको कार्यालय र अन्य मन्त्रालय तथा अधिकांस सरकारी कार्यालयहरु अझै पनि जलिरहेका छन । अहिलेसम्म आगो निभाउन कुनै पहल भएको पाइएको छैन ।
आगो लगाइएका सरकारी कार्यालयहरुमा आगोले जलाउन नसकेका सामानहरु लुटपाट र चोरी भइरहेको छ । आगो लगाइएका सरकारी कार्यालयहरु कहि पनि सुरक्षाकर्मी देखिएका छन् ।
मंगलबार धनगढीमा मुख्यमन्त्री कार्यालय, ६ वटा मन्त्रालय, प्रदेश सभा भवन, कोष तथा लेखा नियन्त्रण कार्यालय, जिल्ला प्रशासन, जिल्ला अदालत, यातायात ब्यबस्था कार्यालय, कैलाली भन्सार कार्यालय, नापी कार्यालय, मालपोत कार्यालय, बन कार्यालय लगायत सरकारी कार्यालयहरुमा तोडफोड र आगजनी गरिएको थियो । त्यस्तै, सबै राजनीतिक दलका प्रदेश र जिल्ला कार्यालयहरुमा पनि आगजनी र तोडफोड भएको थियो ।
