‘सुदूरपश्चिम स्पोट्र्स अवार्ड’लाई एसपिएको लगातार चौथो वर्ष साथ
पढ्न लाग्ने समय :
धनगढी : नेपाल खेलकुद पत्रकार मञ्च कैलालीले यही असार १९ गते आयोजना गर्न लागेको सातौँ संस्करणको ‘सुदूरपश्चिम स्पोट्र्स अवार्ड’ को मुख्य प्रायोजन सुदूरपश्चिमाञ्चल एकेडेमी (एसपिए) ले गर्ने भएको छ ।
सो सम्बन्धी सम्झौतापत्रमा एकेडेमीका प्रमुख बुधराम चौधरी र आयोजक संस्थाका अध्यक्ष प्रदीप पाठकले हस्ताक्षर गरेका छन्। सम्झौतासँगै अवार्डको नाम ‘एसपिए सुदूरपश्चिम स्पोट्र्स अवार्ड’ रहने अध्यक्ष पाठकले जानकारी दिए ।
एसपिएले अवार्डलाई लगातार चौथो वर्ष मुख्य प्रायोजकका रूपमा साथ दिएको हो । यसअघि नै सुदूरपश्चिम प्रदेश खेलकुद परिषद्ले अवार्ड कार्यक्रमलाई मुख्य प्रवर्धकका रूपमा साथ दिन सम्झौता गरिसकेको छ ।
सातौँ संस्करणको अवार्डमार्फत वर्ष २०८२/०८३ मा उच्च प्रदर्शन गरेका राष्ट्रिय तथा अन्तर्राष्ट्रिय खेलाडी र प्रशिक्षकलाई आठ विधामा अवार्ड प्रदान गरिने छ ।
