राष्ट्रिय स्वतन्त्र पार्टी डोटीको नयाँ नेतृत्व चयन
पढ्न लाग्ने समय :
धनगढी : राष्ट्रिय स्वतन्त्र पार्टी (रास्वपा) डोटीको जिल्ला अधिवेशनबाट नयाँ नेतृत्व चयन भएको छ ।
सोमवार सम्पन्न अधिवेशनले पुन सभापतिमा केशव बलायरलाई सर्वसम्मत रूपमा चयन गरेको हो ।
अधिवेशनले बलायरको नेतृत्वमा १३ सदस्यीय जिल्ला कार्यसमिति गठन गरेको छ ।
जिल्ला कार्यसमितिको उप सभापतिमा धनबहादुर बोहरा, सचिव विष्णु खड्का, सहसचिवमा डिल्लीराज भट्ट र कोषाध्यक्षमा शारदा श्रेष्ठ चयन भएका हुन् । त्यस्तै सदस्यहरूमा मोहना साउद, टेक बोगटी, इन्द्र खड्का, खिम बहादुर बिठाडी, लाल भूल, केशव परियार, कविराज खत्री र सन्तोष भण्डारी चयन भएका छन् ।
यसअघि जिल्लाका ९ वटै पालिकामा अधिवेशन सम्पन्न गरी नयाँ नेतृत्व चयन गरिएको रास्वपाले जिल्ला अधिवेशनमार्फत नयाँ जिल्ला नेतृत्वको टुङ्गो लगाएको हो ।
नयाँ नेतृत्वले संगठन विस्तार, जनसरोकारका मुद्दा उठान तथा पार्टीको गतिविधिलाई जिल्लाभर थप प्रभावकारी बनाउने नब निर्वाचित सभापति बलायरले बताउनु भएको छ ।
