जिल्ला अस्पताल बैतडीकोे गोदाममा आगलागी
पढ्न लाग्ने समय :
बैतडीः जिल्ला अस्पताल बैतडीको पुरानो गोदाममा आगलागी भएको छ।
पुराना स्वास्थ्य सामग्री राखिएको गोदाममा आइतवार दिउँसोे आगलागी भएको हो। नजिकै रहेको फोहर जलाउन बालेको आगोबाट अस्पतालको गोदाममा आगलागी भएको जिल्ला प्रहरी कार्यालयका प्रवक्ता एवं प्रहरी निरीक्षक बलदेव बडूले जानकारी दिए।
नेपाल प्रहरी, सशस्त्र प्रहरी र नेपाली सेना र स्थानीयको मद्दतमा ४ः०० बजे आगो नियन्त्रणमा लिइएको उनले बताए। आगलागीबाट भएको क्षतिको विवरण आउन बाँकी रहेको जिल्ला प्रहरी कार्यालयले जनाएको छ।
