बाजुरामा खोलाले बगाउँदा बालकको मृत्यु
पढ्न लाग्ने समय :
बाजुरा : बाजुराको हिमाली गाउँपालिकामा खोलाले बगाउँदा एक बालकको मृत्यु भएको छ ।
गत आइतबार दिउसो ३ बजे कवाडी खोलामा नुहाउन गएका हिमाली गाउँपालिका -१ मैर्तनाका चङ्खलाल थापाका १४ वर्षीय छोरा नवराज थापाको खोलाले बगाउँदा मृत्यु भएको जिल्ला प्रहरी कार्यालय बाजुराले जनाएको छ ।
जिल्ला प्रहरी कार्यालय बाजुराका सूचना अधिकारी नरेशबहादुर शाहीका अनुसार मृतक बालक गत आइतबार दिउसो ३ बजे कवाडी खोलामा नुहाउने क्रममा वेपत्ता भएका थिए ।” उनले भने, “हिजोदेखि खोजी कार्य गर्दा पत्ता लागेको थिएन । आज प्रहरी स्थानीयले फेरि त्यसै खोलामा खोजी कार्य गर्दा झण्डै दुईसय मिटर तल फेला परेका हुन् ।” मृतक बालकलाई अहिले उनको आफन्तलाई बुझाइसकेको जिल्ला प्रहरी कार्यालय बाजुराका सूचना अधिकारी शाहीले बताए ।
