धनगढीको चैतन्य पाठशालाले एक हजार विद्यार्थीलाई निःशुल्क प्रशिक्षण दिने
पढ्न लाग्ने समय :
धनगढी : कैलालीको धनगढीमा रहेको चैतन्य पाठशालाले एक हजार विद्यार्थीलाई निःशुल्क प्रशिक्षण दिने भएको छ ।
धनगढी उपमहानगरपालिका वडा नम्बर ५ मा रहेको चैतन्य पाठशालाले निःशुल्क क्षमता विकास अभियान घोषणा गरेको छ । निःशुल्क “चैतन्य विद्यार्थी क्षमता विकास अभियान” मा एसइइ दिएका एक हजार विद्यार्थीलाई सहभागि गराइने पाठशालाका अध्यक्ष गणेश जोशीले बताए।
कार्यक्रमले विद्यार्थीहरूको व्यक्तित्व विकास, सीप अभिवृद्धि तथा भविष्य निर्माणमा टेवा पु¥याउने लक्ष्य लिएको छ । यस अभियान अन्तर्गत व्यक्तित्व विकास, सार्वजनिक वक्तृत्वकला, प्रस्तुतीकरण तथा नेतृत्व विकास, सूचना तथा सञ्चार, शारीरिक तथा मानसिक प्रशिक्षण समावेश गरिएको छ ।
कार्यक्रम आगामी बैशाख ६ गतेदेखि सञ्चालन हुने जनाइएको छ । सीमित सिटका कारण ‘पहिलो आउनेलाई प्राथमिकता’को आधारमा सहभागिता सुनिश्चित गरिनेछ । तालिम सम्पन्न भएपछि सहभागीहरूलाई प्रमाणपत्र प्रदान गरिने जानकारी दिइएको छ ।
